ရှမ်းပြည်နယ်(အရှေ့ပိုင်း) မိုင်းဖြတ်မြို့နယ် ဟိုနား(စောမွန်)ကျေးရွာတွင် မွေးစားသမီး ဖြစ်သူအား ခင်ပွန်းဖြစ်သူက သုံးနှစ်ကြာ အဓမ္မပြုကျင့်နေကြာင်း သိရှိသွားသဖြင့် ဇနီးဖြစ်သူက မိုင်းဖြတ်ရဲစခန်းတွင် မတ်လ (၁၄)ရက်နေ့က အမှုဖွင့် တိုင်ကြားလိုက်ကြောင်း သိရသည်။

အမှုဖွင့်တိုင်ကြားသူ ဒေါ်....သည် အဆိုပါကလေးအား ဒုတိယတန်းအရွယ် ၂၀၁၀ ခုနှစ်ကတည်းက ကျောင်းထားပေးရန် မွေးစားထားခြင်း ဖြစ်ပြီး ပဉ္စမတန်းကျောင်းတက်သည့် အချိန် ၂၀၁၃ ခုနှစ်တွင် သင်တန်းသွား တက်နေစဉ် ခင်ပွန်းဖြစ်သူ မိုင်းဖြတ်မြို့နယ် ဆားလို့အောက်ရွာနေ အသက် (၄၈)နှစ်အရွယ် ပေတရုဆိုသူက မွေးစားသမီးဖြစ်သူအား အဓမ္မ စတင်ပြုကျင့်ခဲ့သည်ကို ယခုအချိန်မှ သိရသဖြင့် အမှုဖွင့်တိုင်ကြားခြင်း ဖြစ်ကြောင်း သိရသည်။

ဇနီးဖြစ်သူ မရှိချိန်တွင် ပေတရု၏ သမီးအငယ်ဆုံးနှင့် အဖွားဖြစ်သူတို့လည်း နေအိမ်၌ ရှိနေကြောင်း သိရသည်။

ပေတရုသည် ဇနီးဖြစ်သူ သင်တန်းမှ ပြန်လာပြီးသည့် နောက်တွင် ၂၀၁၃ ခုနှစ်မှ ၂၀၁၅ ခုနှစ်အတွင်း ဇနီးဖြစ်သူ နေအိမ်တွင် မရှိသည့် အချိန်များတွင် လည်းကောင်း၊ ၎င်း အလုပ်လုပ်ကိုင်နေသည့် ဆားလို့(အောက်)ရွာရှိ ရာဘာခြံတွင် ခေါ်ယူ၍ လည်းကောင်း၊ လူငယ်ဘော်ဒါဆောင်တွင် ကျောင်းတက်နေစဉ် တွင်လည်း မွေးစားသမီးဖြစ်သူအား သွားရောက်ခေါ်ယူပြီး အကြိမ်ကြိမ် အဓမ္မပြုကျင့်နေခြင်းဖြစ်ပြီး ၎င်းအား လက်ထပ်ရန် တောင်းဆိုလာကြောင်း မွေးစားသမီးဖြစ်သူက မိခင်ဖြစ်သူ ဒေါ်မာရိယာအား ပြန်လည် ပြောပြလာသဖြင့် အမှုဖွင့် တိုင်ကြားခြင်းဖြစ်ကြောင်း သိရသည်။

ယခု အသက် (၁၈)နှစ်အရွယ်မွေးစားသမီးဖြစ်သူသည် အသက်(၁၄)နှစ်မှ (၁၆)နှစ်အရွယ်အထိ အဓမ္မပြုကျင့်ခံခဲ့ရသော်လည်း ကြောက်ရွံ့သဖြင့် သက်ဆိုင်ရာအား တိုင်ကြားခဲ့ခြင်း မရှိဘဲ ၎င်းအား လက်ထပ်ယူရန် အကြိမ်ကြိမ် သွေးဆောင် ဖြားယောင်းလာသဖြင့် မိခင်ဖြစ်သူအား ပြောပြလာခြင်း ဖြစ်ကြောင်း သိရသည်။

အဆိုပါ တိုင်ကြားချက်အရ ပေတရုအား မိုင်းဖြတ်မြို့မရဲစခန်းတွင် (ပ)၅/၂၀၁၇၊ ရာဇသတ်ကြီးပုဒ်မ ၃၇၆ ဖြင့် အမှုဖွင့်ထားပြီး တရားလိုဖြစ်သူ နှင့် မွေးစားသမီးထံမှ စစ်ဆေးချက် ရယူထားပြီးဖြစ်ကြောင်း သိရသည်။

သတင်း - ကိုသာ
Tachileik News Agency
http://www.tachileik.net