ပြည်မြို့ဖျော်ဖြေပွဲကို ပရိသတ်နဲ့ ဆိုင်ကယ်အတူစီးရင်းသွားမယ့် ဇော်ဝင်းထွဋ်

 ပြည်မြို့တွင် ပြုလုပ်မည့်Ayeyarwaddy Rock Night ဖျော်ဖြေပွဲသို့ သွားရောက်သီဆိုရန် ဇော်ဝင်းထွဋ်နှင့် ပရိသတ်အချို့ က    ရန်ကုန်−ပြည်လမ်းတစ် လျှောက် ဆိုင်ကယ်များစီး၍ ပြည် မြို့သို့ သွားရောက်မည် ဖြစ် ကြောင်း သတင်းရရှိသည်။

‘‘ခရီးစဉ်က ကြို့ပင်ကောက် ကနေ စမယ်။ အဲဒီမှာ ပြည်ကရော၊ တခြားနေရာတွေကရော ဒီခရီး စဉ်မှာ ပါဖို့ စိစစ်ပြီး လက်ခံထား တာတွေရှိတယ်။ အဲဒီမှာ ဆုံပြီး စစီးမယ်။ အင်းမမှာ တစ်ထောက် နားမယ်။ နောက်ပြီး ပြည်မြို့ထဲ ကို စီးမယ်။ မြို့ကိုလည်း ပတ် မယ်။ နောက်ပြီး ၄ နာရီခွဲ၊ ၅ နာရီလောက်ကျရင် Sunset နဲ့အ တူ တံတားကို ဆိုင်ကယ်တန်းကြီး နဲ့ ဖြတ်မယ်။ နောက်ဆုံး ဟိုတယ် မှာ ခရီးစဉ်အဆုံးသတ်မယ်’’ဟု ယင်းဖျော်ဖြေပွဲစီစဉ်သူ မဆိုဖီ ယာက ပြောသည်။

Ayeyarwaddy Rock Nightဖျော်ဖြေပွဲကို မတ်လ ၁၈ ရက်တွင် ပြည်မြို့ မင်္ဂလာရွှေပြည်အားက စားကွင်း၌ ပြုလုပ်မည်ဖြစ်ပြီး ဆိုင်ကယ်စီးသည့် အစီအစဉ်ကို ယနေ့(မတ်လ ၁၇ ရက်)  ပြုလုပ် မည်ဖြစ်ကာ ဆိုင်ကယ်အစီးရေ ၁၀၀ ခန့် ပါဝင်နိုင်ကြောင်း ထုတ် ပြန်ချက်၌ ပါရှိသည်။

အဆိုတော် ဇော်ဝင်းထွဋ် သည် ပြည်မြို့တွင် မဖျော်ဖြေဖြစ်သည်မှာ နှစ်ပေါင်း ၂၀ ကျော်ကြာမြင့်ပြီဖြစ်ပြီး ဆိုင်ကယ်စီးသည့် အစီအစဉ်ကို ပရိသတ်များက တောင်းဆိုသကဲ့သို့ ၎င်းကိုယ် တိုင် ဆန္ဒရှိသောကြောင့် စီစဉ်ခဲ့သည်ဟု မဆိုဖီယာကပြောသည်။

ဖျော်ဖြေပွဲတွင်   ဇော်ဝင်း ထွဋ်နှင့်အတူ ဂျီလတ်၊ ဝေလ၊ ကော်နီ၊    ဖြူဖြူကျော်သိန်းတို့ လည်း ပါဝင်မည်ဖြစ်ပြီး လက်မှတ်များကို ကျပ်ရှစ်ထောင်၊ ကျပ်နှစ်သောင်းခွဲနှင့် ကျပ်သုံးသောင်း အသီးသီးသတ်မှတ်ထားကြောင်း သတင်းရရှိသည်။