ပြည်ခရိုင် ၆ မြို့နယ် အရန်မီးသတ် ပထမဆုံးအကြိမ် သက်ကြီးပူဇော်ပွဲပြုလုပ်

ပဲခူးတိုင်း ပြည်ခရိုင် အတွင်းရှိမြို့နယ် ၆ ခုမှ အရန်မီးသတ်တပ်ဖွဲ့ ၀င်များ ၏ သက်ကြီးပူဇော်ပွဲကို ပြည်မြို့ ရတနာမာန်အောင် လေးထပ်မြင် ကွင်း ရှိ အရန်မီးသတ်တပ်ရင်းရုံးတွင် မေလ ၇ ရက် ညနေ ၄ နာရီက ပြုလုပ်ခဲ့သည်။

“တပ်ဖွဲ့ မှာ စေတနာ ၀ါသနာ အနစ်နာ ခံပြီးလုပ်ခဲ့တဲ့ အသက် ရှစ်ဆယ်ကျော်မီးသတ်တပ်ဖွဲ့ဝင် ပုဂိုလ်တွေကို ဂုဏ်ပြုတဲ့အနေနဲ့ ပူဇော်ကန်တော့တာပါ”ဟု အရန်မီးသတ်ဒုတပ်ရင်းမှူး ဦးအုန်းလွင်က ဆိုသည်။

ပေါင်းတလည်မြို့မှ အသက် ၈၃ နှစ်အရွယ် တပ်ခွဲမှူး ဦးကိုလေး ၊ ပေါင်းတည် မြို့မှ အသက် ၉၀ နှစ်အရွယ် ဒုတပ်ခွဲမှူး ဦးဝမ်သောင်း နှင့် အသက် ၈၅နှစ်အရွယ် တပ်ကြပ်ကြီး ဦးကိုကိုကြီးတို့ကို အရန်မီးသတ်တပ်ဖွဲ့ဝင်များက ပူဇော်ကန်တော့ခဲ့ခြင်းဖြစ်သည်။

“ဘယ်အစိုးရလက်ထက်မှာမှ အရန်မီးသတ်ကို အသိအမှတ်ပြုဘူး။ ကိုယ့်အရန်မီးသတ်တပ်ဖွဲ့ဝင်အချင်းချင်း အသိအမှတ်ပြုတဲ့ သဘောနဲ့သက်ကြီးပူဇော်ပွဲလုပ်တာ” မီးသတ်တပ်စုမှူး ကိုမိုးကျော် ကပြောသည်။

အဆိုပါ အခမ်းအနားတွင် ဦးကိုလေး အားငွေသားတစ်သိန်း ၊ ဦးဝမ်သောင်းနှင့် ဦးကိုကိုကြီးတို့ကို ငွေသားနှင့်လက်ဆောင်ပစ္စည်းများပူဇော်ကန်တော့ခဲ့ပြီး အခမ်းနားသို့ မီးသတ်တပ်ဖွဲ့ဝင် အင်အား တစ်ရာကျော်တက်ရောက်ခဲ့ကြသည်။

 လာမည့် နှစ်တွင် အသက်၇၅ နှစ် အထက်တပ်ဖွဲ့ဝင်များကို ပူဇော်ကန်တော့ပွဲပြုလုပ်ရန်စီစဉ်နေပြီး
ထိုကဲ့သို့သက်ကြီးပူဇော်ပွဲများကို နှစ်စဉ်နှစိတိုင်းပြုလုပ်မည်ဟုလည်း အရန်မီးသတ်တပ်ဖွဲ့ဝင်များကပြောသည်။